Fullvinnsla fiskúrgangs á sér bjarta framtíð á Íslandi og víðar

Fullvinnsla fiskúrgangs á sér bjarta framtíð á Íslandi og víðar Fullvinnsla fiskúrgangs á sér bjarta framtíð á Íslandi og víðar.

Ráðstefna IceFish 2017, Fiskúrgangur skilar hagnaði (Fish Waste for Profit), hófst fimmtudaginn 14. september með málstofu um virðispýramídann í fullvinnslu fiskúrgangs frá botni til topps.

Snorri Hreggviðsson, stofnandi og eigandi Margildis, ræddi um þróun hágæða lýsis og nefndi að hann hefði horn í síðu orðsins „úrgangur“ í þessu samhengi, ekki væri um úrgang að ræða þar sem hráefnið væri nýtt við framleiðslu ákaflega seljanlegrar vöru.

Davíð Tómas Davíðsson, þróunarstjóri Codlands, minnti ráðstefnugesti á að iðnaðurinn er að ganga í gegnum miklar breytingar um þessar mundir og að ein af stærstu hindrunum sem hann mætir eru reglugerðir sem skilgreini hliðarafurðir á borð við slóg sem óhæft til manneldis. Afleiðing þessa eru að Codland og fyrirtæki í sambærilegum rekstri eigi erfitt með að hefja framleiðslu og markaðssetningu á vörum sem nýta sér umræddar aukaafurðir, vörur sem hægt væri að selja miklu hærra verði til manneldis. Codland vilji fullnýta fiskinn þannig að ekkert af honum fari til spillis.

Jón Birgir Gunnarsson, sölu- og markaðsstjóri Skaginn 3X sagði að honum væri líka í nöp við orðið „hliðarafurðir“, því að í hans huga væri hráefnið eins og hver önnur vara. Það er gagnlegt, seljanlegt og eftirsóknarvert. Þess vegna ætti einfaldlega að tala um hráefnið sem sjálfstæðan vöruflokk á eigin forsendum. „Það sem skiptir máli er að hafa hugfast að þetta er vara og helstu tilgangur fyrirtækjanna hlýtur að vera að finna leið til að hámarka verðmæti hráefnisins.“

Karin Loft Eybye, sérfræðingur hjá Dansk teknologisk institut, bauð upp á annað sjónarhorn. Í stað þess að einblína á fiskinn ætti einnig að búa til söluvöru með því að fullvinna krabbadýr. Hún lagði áherslu á hugsanlegt verðmæti þessarar afurðar fyrir danskan efnahag og að unnt væri að ná fram miklum hagnaði í þessari grein.