Íslenski markaðurinn
Íslenskur sjávarútvegur hefur verið ein helsta stoð íslensks efnahagslífs lengur en elstu menn muna. Hann hefur fætt og klætt þjóðina í aldanna rás en færir auk þess þjóðarbúinu umtalsverðar útflutningstekjur.
Greinin gegnir einnig mikilvægu hlutverki í menningarlífi Íslendinga og er snar þáttur í menningararfinum. Um það bil 9.000 manns starfa við fiskveiðar og vinnslu eða um 5,3% af íslensku vinnuafli, og útflutningur sjávarafurða var því sem næst 38% af heildarútflutningi Íslendinga árið 2011.
Íslensku fyrirtækin á sviði sjávarútvegs hafa sýnt ríka tilhneigingu til samþjöppunar á undanförnum tveimur áratugum eftir að leyfi var gefið til þess að leigja og selja kvóta. Helsta ástæða þessa var aukin hagkvæmni. Fimm stærstu sjávarútvegsfyrirtækin ráða um þessar mundir yfir um þriðjungi útgefins meðalkvóta en þau tíu stærstu um 53%.
Tekjur sjávarútvegsfyrirtækja fyrir fjármagnsliði, skatta og afskriftir (EBITDA) undanfarin þrjú ár hefur verið umtalsverður, dregið hefur úr skuldsetningu og arður hefur aukist. Þrátt fyrir að samþjöppun hafi átt sér stað í íslenska fiskveiðiflotanum undanfarin þrjú ár, var verðmæti heildarafla hans á fyrra helmingi ársins 80,5 milljarðar króna miðað við 70,5 milljarða króna á sama tímabili árið 2011. Heildarverðmæti aflans hefur því aukist um 10 milljarða króna eða 14,2% á milli ára*. Skipstjórar og útgerðarmenn vilja halda samkeppnisstöðu sinni með því að endurnýja flotann reglubundið og nútímavæða og Íslenska sjávarútvegssýningin veitir sýnendum besta fáanlega tækifærið til þess að hittast og fjalla um nýjar kröfur.
Sýningin mun enn á ný ná til allra hliða í sjávarútvegi og fiskvinnslu, allt frá veiðum og fiskileit til vinnslu og umbúða, markaðssetningar og dreifingar fullunninna afurða.
Hér er hægt að biðja um upplýsingar um hvaðeina það sem snertir sýninguna eða skipulag Íslensku sjávarútvegsverðlaunanna.
*Heimild: Hagstofa Íslands