Umsókn um námsstyrk

Stjórnendur Íslensku sjávarútvegssýningarinnar hafa lagt fram tvær milljónir króna til að stofna námssjóð fyrir nemendur sem stefna á nám í Fisktækniskóla Íslands í Grindavík.

Í Fisktækniskóla Íslands er boðið upp á eins árs sérhæfðar námsbrautir í gæðastjórnun, fiskirækt og vinnslutækni þar sem nemendum býðst að útskrifast sem Marel-vinnslutæknar. Fisktækniskóli Íslands var stofnaður í Grindavík árið 2010 í þeim tilgangi að uppfylla kröfur sjávarútvegsfyrirtækja í veiðum vinnslu og fiskeldi til starfsfólks með viðeigandi þjálfun. Í skólanum er boðið upp á grunnkennslu fyrir væntanlega sjómenn og veitt er margvísleg þjálfun í því skyni að efla hæfni væntanlegra sjómanna, auk þess sem boðið er upp á kennslu og þjálfun í fiskeldi og fiskvinnslu. Einnig er í boði netagerð “veiðitækni” í samstarfi við Fjölbrautaskólann á Suðurnesjum í Reykjanesbæ. Í fyrstu var aðeins boðið upp á tveggja àra grunnnám i Fiskitækni en síðan hefur verið byggt ofan á þau með sérhæfðari nàmsleiðum. IceFish-námssjóðnum er einkum ætlað að styrkja fólk til þannig framhaldsnáms.

Tveimur námsstyrkjum að upphæð samtals ein milljón króna verður úthlutað í árslok og geta styrkþegar hafið nám í janúar á næsta ári. Svo verður sömu upphæð úthlutað á sama hátt á ný árið 2017. Um námsstyrk geta þeir sótt sem þegar hafa lokið grunnnámi i Fiskitækni (eda sambærilegu námi) en IceFish- námssjóðnum er ætlað að styrkja þá sem vilja sérhæfa sig frekar í tækni við veiðar og vinnslu. Fylltu út þetta einfalda umsóknareyðublað til þess að eiga möguleika á námsstyrk.

Farið verður yfir allar umsóknir en þær eru síðan lagðar fyrir nefnd skipaða fulltrúum frá Marel, Samtökum fyrirtækja í sjávarútvegi, Landssambandi smábátaeigenda og skólameistara Fisktækniskólans, Ólafi Jóni Arnbjörnssyni sem síðan velur styrkþegana tvo.

Umsóknareyðublað á netinu er að finna hér.
Leiðbeiningar og upplýsingar vegna umsókna um námsstyrk.

Lokafrestur til að skila inn umsókn er 31/12/2016.

Fyrirtæki og fyrri sýnendur sem hafa ekki þegar bókað sér sýningarbás fyrir Icefish 2017 ættu að hafa samband við Marianne Rasmussen-Coulling, annað hvort í netfang eða síma: icefish@icefish.is | +44 1329 825335.